TRYGGHEIM BARNEHAGE VATNE: Skogen sitt rom for motorisk utfordring og meistring

tirsdag 12. juni 2018

Skogen sitt rom for motorisk utfordring og meistring

Klatremusene har vore på tur inni skogen – i bratt og ulent terreng for å få motoriske utfordringar. Det er godt å få kjenne på kroppen kva ein klare, og kva ein trudde ein ikkje klarte - men fekk det til likevel. Meistringskjensla er fantastisk! Den gir mot, gjer ein stolt, og klar for nye utfordringar.

I tillegg var her store steinar som ein kunne klatre på. Det var ikkje plass til alle på ein gang så då måtte ein bytte på.

I skogen var det mange trekløvera på bakken. Dei ser så flotte ut. Nesten som ein sommarfugl, men ikkje heilt. Vi måtte smake på, nam nam J

Her var mange store tre som hadde velta til vår glede, så barna kunne åle seg som ein larve på eine treet. Alle var ivrige til å prøve, så ein måtte vente på tur. Der var så mykje anna spennande å finne på også – så ventinga var ikkje så keisam.

På eit anna tre fekk ein trene på balansen sin. Sette ein fot framfor den andre.

For ein flott tur vi hadde J

¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨

«Barna skal inkluderast i aktivitetar der dei får bevege seg, leike og samhandle med andre og oppleve motivasjon og meistring ut frå eigne føresetnader. Barnehagen skal bidra til at barna blir kjende med kroppen sin og blir bevisste på sine eigne og andre sine grenser» (Rammeplanen 2017:49)

VÅRT PEDAGOGISKE GRUNNSYN

Vårt pedagogiske grunnsyn er bygd på det kristne verdigrunnlaget og på Bibelen sitt syn på mennesket. Vi ynskjer at dei tilsette i barnehagen skal sjå på barna, foreldra, sine medarbeidarar og seg sjølv slik Gud ser menneske. Jesus sette barna høgt. Han var glad i dei og ville at dei skulle kome til ham, og han heldt dei fram som førebilete for disiplane. Jesus sitt forhold til barna er eit førebilete for dei tilsette i barnehagen.
Vi ynskjer at barna får oppleve at dei blir verdsett, inkludert, finn vener, får utvikle seg etter sine eigne føresetnadar, får livsglede og lærer å ta omsyn til kvarandre og fungere i større og mindre grupper.

Vi er opptekne av at det skal vere mykje humor og glede i kvardagen.
Barnet utforskar verda. Læring og utvikling skjer gjennom samspel mellom barn-barn og barn-vaksne frå fyrste stund.
Kvardagen til barna er dei vaksne sitt ansvar. Vi vil vere gode rollemodellar for borna ved å skape gode relasjonar. Ekte interesse, innleving i barnet og undring saman med barnet er viktig.

Vi er bevisste på barnet sine ressursar og moglegheiter. Barnet sjølv er aktør i si eiga utvikling.
Vi vil vere empatiske vaksne som anerkjenner barnet, slik at barnet vert sett, høyrt og tatt på alvor. Respekt og likeverd er viktige stikkord.
Barn treng engasjerte vaksne som rettleiarar, men dei har rett til eigne meiningar og innverknad på eigen kvardag. Det er viktig å vere interessert i det barnet er opptatt av her og no.
Vi vil at barna skal kjenne seg trygge i barnehagen. Tryggleik og trivsel er grunnlaget for all positiv utvikling. Vi vil sjå etter det beste i barnet.

Foreldre og barnehagepersonalet har eit felles ansvar for barnet sin trivsel og utvikling. Det er viktig at foreldra føler dei har medverknad, at dei ser meining i det som skjer i barnehagen og at dei får støtte. Barnehagen skal i samarbeid og forståing med heimen ivareta barna sitt behov for omsorg og leik, og fremje læring og danning som grunnlag for allsidig utvikling.

Tilrettelegging for leik er ei viktig oppgåve. Å leike er ikkje berre eit pedagogisk verkemiddel for å fremje utvikling hos barnet.

Å leike er eit mål i seg sjølv.
Leiken gjev barnet glede.
Leiken fremjar utviklinga til barnet på alle område: Intellektuelt, språkleg, fysisk, sosialt og emosjonelt. I leiken utviklar og styrkjer barnet identiteten og sjølvkjensla si.

NLM BARNEHAGENE AS

tirsdag 12. juni 2018

Skogen sitt rom for motorisk utfordring og meistring

Totalt antall sidevisninger

Bloggarkiv

Følgere