NLM BARNEHAGENE AS

NLM BARNEHAGENE AS,

AVD.TRYGGHEIM BARNEHAGE, VATNE

Bedehusbarnehagen:

* Maurtua (Førskulegruppe) * Bikuba (f.2012 og 2013)

Brakkebyen:

* Ekorna (f.2014) * Nøtteliten (f.2014, 2015 og 2016)

mandag 17. juli 2017

FLASKEPOST OG SKATTEJAKT I BARNEHAGEN

Skattekart i flaskepost og skattejakt med sjørøvarkikkert var tema denne dagen (13.07.17) i barnehagen. Når vi ikkje kunne bade måtte vi finne på noko anna kjekt nest siste dag før vi tok ferie.


Her er skatten vi fant oppe på loftet i barnehagen! Men først måtte vi lage sjørøvarkikkert og måle oss litt skumle i ansiktet.






Vi leita på heile Maurtua og vidare opp på loftet……



På vegen fant vi tente lykter og mykje rot heilt til vi fant kista med gull og sølv oppi, og mykje anna….



Til stor glede for både små og store rusla vi ned til Bikuba og delte skatten, for å dele er noko vi veit er ein fin ting å gjere!
Og etter på hadde vi sjørøvarfest og hei fadderullan faderullandei, og hei faderullan fadderullandei!

lørdag 8. juli 2017

Som vi kosar oss på Brakkebyen!



Nøtteliten og Ekorna har nytta finveret denne veka ute. 
Eine dagen tok vi med malerpensel og ark for å male ute. Dette var kjempe kjekt! 



Vi hang opp alle dei fine kunstverka slik dei kunne tørke i vinden.


GOD SOMMAR FRÅ OSS PÅ BRAKKEBYEN!

Nøtteliten på vassetur til Gurineset


Fredag 7.juli fant Nøtteliten vegen til Gurineset.
Her kosa vi oss i sanden.


Medan vi åt maten vår tørka sola kleda våre.


Hit kjem vi gjerne igjen!

fredag 7. juli 2017

Ekorna på tur til Ulvestadvikane

Sist veke gjekk Ekorna på tur til Angelsneset og ned til Ulvestadvikane. Dette er ein av dei lengste turane Ekorna har gått, og det gjekk kjempe bra! 


Vi gjekk via Ulvestadvegen, og ned ein skogsveg til fjøra. Når vi gjekk ned skogstien fekk nokre av borna kjensla av at vi gjekk inni eit rom fullt av store tre.



Først gjekk vi bort til ein gapahuk, og så fann vi ein sandvolleybane. Her fann vi insekt i sanden, og vi laga mønster med pinne i sanden. Til slutt kom det så mange fluger som plaga oss at vi vandra ned til fjøra. 


Det var så mykje spennande her i fjøra. Vi skulle sjå kva liv vi fann her, men først måtte vi kaste litt steina i sjøen.



Når vi kasta stein så fann borna ut at det var noko på steinane. Dette måtte vi studere litt med både å sjå og kjenne på. Til slutt såg vi ein til ut i sjøen som såg ut som ein blome. Da kom vi på at dette var ein sjøanemone/sjørose.


I fjøra fann vi både sjøstjerne, glasmanet og krabbe som var så spennande å studere. 



Vi åt oss ein god og velfortent lunsj, medan vi såg utover sjøen. Kanskje kom det eit sjørøvarskip? Nei, kanskje vi skremte piratane vekk når vi kasta stein i vatnet? 


Men brått fekk vi besøk av eit troll som hadde tang og tare til hår! 


Etter maten kosa vi oss litt til i fjøra, før vi etter ein innhaldsrik og veldig kjekk dag vende nasa til barnehagen igjen. 

fredag 30. juni 2017

SOL OG SOMMAR I BARNEHAGEN

I går kom dagen vi har venta på såååå lenge!
Endeleg vart det varmt nok til å bade ute!


Medan vi venta på at sola skulle kome på terrassen hadde vi piknik på teppa våre.



Vi måtte sjekke temperaturen opp til fleire gongar før det vart klart til bading. 
Vi bar mange bøtter med vatn, minst tusen liter !


Vi hadde også såpeboble som vi leika med. Litt vanskeleg, men øvelse gjer meister!


Vi avslutta dagen med smoothie.


Her er oppskrift til den som vil prøve :
v Banan
v Frosne jordbær
v Yoghurt ( Husk laktosefri eller soya yoghurt til dei med allergi)
v Passe mengde med appelsinjuice til ønska konsistens.

....................................................

Også i dag har vi bada.
Gurinesbukta er berre ein nydeleg stad.
Vi er bra heldige som har så flott eit nærmiljø.



VI YNSKJER ALLE SMÅ OG STORE 

GOD SOMMAR!

mandag 26. juni 2017

Fjøreveke for Ekorna

Sist veke var Ekorna i fjøra for å bli betre kjent med livet ved sjøkanten. Vi hadde med oss bøtter der vi kunne samle det vi fant. Det store fenomenet som alle blei veldig interessert i var krabbe. Under steinar gøymte det seg både små og litt større krabbar. Vi fekk halde dei i handa og sjå på dei. Mange føter hadde dei og klør! 
Så spennande J  

Vi må leite og sjå om vi finn noko i denne sprekka her. Skal tru kva som kan gøyme seg her? Kanskje det finst krabbar her?

Dei vaksne undra seg saman med borna. Her har dei funne skjell eller heiter det skjell? 

Det var andre ting i fjøra enn berre krabbar. Her var det noko som var litt ekkelt og kleimete å halde på. 
Og så hadde den kuler eller nokre klumpar i seg. 

tirsdag 20. juni 2017

Å male, teikne, pusle og nabbe.. vi får mykje ut av det med..


På Ekorna har vi fokus på at borna skal få både grov- og finmotoriske ferdigheiter og erfaringar. Målet er at borna skal tileigne seg grunnleggande motoriske ferdigheiter og beherske kroppen, som vidare bidreg til at borna lærer seg sjølv å kjenne. Ved sanseinntrykk og rørsler skaffar barn seg erfaringar, ferdigheiter og kunnskap på mange områder (Rammeplanen 2011).



Vi har hatt fokus på finmotorikken ved blant anna å gjere aktivitetar som å pusse tenner, ta i mot ball, klatre, kle på seg sjølv og ulike formingsaktivitetar.

Når vi teiknar eller måler så øver vi  på «blyantgrepet». Borna skifter ofte mellom forskjellige grep.


Gjennom nabbing vil ein også trene på finmotorikken. Finmotorikken handlar om dei minste og mest detaljrike rørslene borna gjer. Når dei nabbar vil dei bruke fingrane til å plukke opp nabbiperler, og utføre ein rørsle mot små mål. Gjennom dette blir det ein del auge-hand koordinering, og ein viktig del for den motoriske utviklinga er nemleg å øve seg på auge –hand koordinasjon.