Grautfest i gapahuken

Tradisjonen tru var det Grautfest ute i Gapahuken vår på mandag. 

Bålet var tent og grauten var varm.

Det var både barn, foreldre og besteforeldre som kosa seg ute i det fine været. 

Blå morgonhimmel er vakkert viss ein tek seg tid til å nyte den.

Dei som ikkje ville ete ute fekk sjølvsagt ete graut inne.

Grå avdeling på Julevandring i Kyrkja

Her på Vatne er vi så heldige at vi har ei flott kyrkje som ligg nært barnehagen. I dag var dei to eldste kulla på barnehagen invitert til Julevandring der. Spente gjekk vi opp til kyrkja. Vi kunne sjå tårnet der klokka heng allereie før vi gjekk over Vatnebrua. Skal tru kor gamal kyrkja kunne vere? Over 100, eller 1000 blei foreslått. 

Vi fekk av oss yttertøyet og fekk kome opp på galleriet. Her skulle Keisar Augustus skrive oss inn med fingeravtrykk i boka si. Ein og ein gjekk vi fram.

Astrid og Linda skulle ta oss med på ei reise og fortelje oss om mirakelet som skjedde i Betlehem, og på vegen blei vi både til kongar, englar, gjetera, Maria og Josef. Det var kjekt at vi fekk ta del i Juleevangeliet på ein aktiv og inkluderande måte. 

Etter den lange og flotte reisa til Betlehem takka vi Astrid og Linda for at vi fekk kome. 

Det var på tide å returnere til barnehagen, men vi måtte ha oss ein matpause, også sjekke elva først. Det var kjekt å sende pinnar frå den eine sida av gangbrua og springe over på den andre sida for å sjå den kome seglande i straumen. 

Barna skal få kjennskap til grunnleggjande verdiar i kristen og humanistisk arv og tradisjon (Rammeplanen 2017).

Lille bukken bruse, trippa over trollebru…….

Det folkekjære eventyret har for fullt flytta inn på Gul avdeling. Gjennom arbeid med kommunikasjon, språk og tekst skal barnehagen bidra til at borna møter eit mangfald av eventyr, forteljingar, segn og uttrykksformer (Rammeplanen for barnehagens innhald og oppgåver, 2017). Vi har starta i det små og har tatt utgangspunkt i bukkene bruse songen. Eventyret og songen har blitt med både i samling på avdeling, ute på leikeområdet vårt og på tur. Like spennande kvar gong vi er på leit etter trollet under Vatnebrua. 

Vi har fått hekla konkretar til eventyret som vi brukar i formidlinga. Borna har fått laga seg eit troll av ull med store auger og no held vi på å tovar bukkar som etter kvart skal få kome fram på avdelinga. Vi har fått kjenne, smake, lukta  og utforska ull med alle sansane våre. Nokon syns ikkje det er noko særlig, medan andre styrar på. Enkelte har allereie tatt julevasken og blitt sendt heim i god grønsåpelukt. Spennande prosjekt som borna engasjerar seg stort i. 

Framover mot advent og jul, sendar vi bukkane på juleferie til over nyttår. Då leitar vi dei fram igjen og kanskje skal dei ein tur på både badeland og på sætra, kven veit kva dei finn på….. J

FLOTT NOVEMBER TUR TIL STALL NEDREVOLD

Gruppe 1 var så heldige at vi fekk besøke Stall Nedrevold fre 8.nov framme i Nedstebygda. Etter at vi hadde helsa på hestane og hønene, gjekk vi ned til naustet ved Vatnevatnet for å lage tomatsuppe og pasta. Barna fekk mate hestane med høy. For ein flott haustdag!

Det er spennande å få vere med å lage mat ute!

_{Barnehagen skal leggje til rette for at barna kan få eit mangfald av naturopplevingar og få oppleve naturen som arena for leik og læring gjennom alle årstider. Det er viktig at barna får kunnskap om dyr og dyreliv (Rpl:52)} 

Grå-revar på bursdagstur

I dag har Grå revane vore på tur til Bedehuset. Der er det så flott å leike, og der er det bålpanne som vi kan lage mykje god mat på. I dag var det bursdagsfeiring så da slo vi på stortromma og laga popcorn på tur. 

Først måtte vi ha den harde tørre maisen i ei sil. Her skulle den få ligge til den blei varm.

Vi venta tålmodig rundt bålpanna og bang sa det! Bang - bang - bang - bang. 

No byrja popcornet å smelle! Dei blei kvite, store og luftige.

                              

Med kvar vår kopp fekk vi smake på. Mmmmm, dette var godt! Nokon syntest at vi skulle hatt krydder på. 

Kråka stod på lur! Og trur ikkje du at den stakk av med litt popcorn som hadde landa på bakken?! Ja, ja, den kosa seg nok. 😊 

NLM barnehagene AS avd. Tryggheim Barnehage Vatne søkjer

BARNEHAGELÆRAR/SPESIALPEDAGOG

i 100% vikariat frå 01.01.20 til 17.07.20

med moglegheit for forlenging

Vi ynskjer at barna, foreldra og dei tilsette som kjem til barnehagen skal bli møtt med omsorg. 

Visjonen vår er: «Vi ser og blir sett.»

Kvalifikasjonar og personlege eigenskapar:

• Barnehagen vert driven med eit kristent formål, og den som vert tilsett forpliktar seg til å arbeide etter barnehagen sitt kristne verdigrunnlag, vedtekter, verdidokument og instruksar, og arbeide aktivt for å fremje målsetjinga og verdiane som barnehagen har
• Du må være ein aktiv og nærværande voksen både inne og ute som ser kvart enkelt barn, som lyttar og bryr seg om kva barna ynskjer å formidle
• Gode kommunikasjons- og formidlingsevne
• Relasjonsorientert med gode samarbeidsevner
• Evne til å skape engasjement og lyst til å delta i barna sin leik og utvikling
• Svært gode norskkunnskapar, både skriftleg og munnleg

Arbeidsoppgåver:

• Lede det spesialpedagogiske arbeidet rundt enkeltbarn/grupper
• Inkludere og sikre utvikling og gjennomføring av det spesialpedagogiske arbeidet i barnehagen sitt læringsmiljø
• Samarbeide tett med personalet i barnehagen og andre fagmiljø
• Ha medansvar for tilrettelegging for eit godt samarbeid med føresette

Vi kan tilby:

• Fokus på kvalitetsutvikling og eit godt arbeidsmiljø
• Ein fin ny barnehage med variert uteareal, samt at barnehagen har eit nærmiljø som gir rikeleg moglegheiter for turar utom barnehageområdet
• 5 ordinære avdelingar
• Kjøkkenassistent
• Lønn etter PBL tariff
• IA bedrift

Den som blir tilsett må legge fram politiattest før ein byrjar.

Norsk Luthersk Misjonssamband eig og driv barnehagen gjennom NLM- barnehagene AS

Søknadsfrist snarast råd og innan 23.10.19.

Send søknad og CV til: 

NLM barnehagene AS avd Tryggheim barnehage, Vatne

Ulvestadvegen 4,

6265 VATNE

Eller til: tryggheim.vatne@nlmbhg.no

For spørsmål eller meir informasjon ta kontakt med dagleg leiar tlf.: 96948829

Info om barnehagen finn du på: http://tryggheimbarnehagevatne.blogspot.com/

Avdeling Blå på tur til Gurineset

På turen vår på torsdag skulle vi sjå etter pusen (Gurinespusen), ekorn og maten til ekorna.

Pusen traff vi på vegen før vi kom ned..

Vi fekk sjå bilde av ekorn og nøtter på bilde først,

og så begynte vi å leite.

I skogen fant vi mange nøtter, men lite ekorn. 

Men turen vart topp alikevel. 

Vi sang om Nøtteliten og kosa oss med kornmokjeks. 

BLOGG FRÅ DEI ELDSTE PÅ GRØN AVDELING

Dei eldste på Grøn avdeling har leika seg med ulikt formingsmateriell, hatt kreative turar i skog og mark, og kosa seg i her og no situasjonar denne hausten. 

Her er nokre av dei aktivitetane vi har gjort:

Vi har vore kunstnarar i skogen 💮

Funne ulike insekt som vi rista ned på ein kvit duk, 

her fann vi to store flott. 👀

Her studerar vi andre småkryp som vi fann.

Vi har slappa av i dei populære hengekøyene barnehagen har 

og fått servert magiske pannekaker av fagarbeidar Silje. 👍

Fredag 11.okt fekk vi studere ulike fiskeslag frå Nordsjøen 

til glede for både små og store. 😊

Vi syns det er ekstra kjekt når fleire avdelingar kan samlast ute for å ha eit prosjekt i lag. Det vart ei fin avslutning på den veka.

#liveterbestute

Tross 0 på gradestokken pakka vi sekken og var veldig klar og spent for første hengekøyetur med dinna gjengen. Med godt humør, gode klede, varme og gode posar,  god nistemat og heimelaga havrekjeks i sekken, låg alt tilrette for ein fin tur i nydelig haustsol.

På veg til Gurinesen møtte vi endeleg ein katt.  Å møte ein katt har vi prata om lenge, men den har vore vanskelig å finne. Stemninga var på topp når den også var ute på tur og ville helse på oss.

Framme i Gurinesen laga vi oss til, og åt nistematen vår i grindløa. Så fint dei har laga det til, veldig kjekt å ha eit så flott turmål i nærleik til barnehagen. #sunnmørefriluftsråd. 

Etter lunsj tok vi kvilen vår i kvar vår hengekøye, her blir vi nok liggandes ei stund..........

Takk for ein nydeleg start på ei ny veke!

Matheus, Mia, Emma Victoria, Adam, Mette og Henriette