NLM BARNEHAGENE AS

Bedehusbarnehagen:

* Maurtua - Revegruppa og Haregruppa

* Bikuba - Klatremusgruppa og Skogmusgruppa

Brakkebyen:

* Ekorna

* Nøtteliten

fredag 18. desember 2015

NISSEFEST, JULEBORD OG JULEBUFFÈT

Torsdag var det tid for Nissefest og Julebord på hovedbygget og foreldra på Nøtteliten kunne stoppe litt opp ved henting av barn med ein liten Julebuffèt av kaffi og anna julegodt.

På Maurtua hadde barna Julebord der barna frå Bikuba stod for det kulturelle innslaget.



Vi takker for flott underholdning med fin sang og mykje moro!
Bikuba fortsatte med Nissefest og graut, medan Maurtua gjorde seg klar for sang rundt Juletreet og Julebord med mykje godt å velge i.




No gledar både store og små seg til Julehøgtida,

og helsar God Jul

til alle som les bloggen vår!

onsdag 16. desember 2015

Adventstid på Bikuba

I desember har vi kosa oss med juleførebuing, vi har hatt samling kvar morgen med ulike julesongar, vi har sett på julekrybba og hatt tenning av lys. Mandag og torsdag har vi hatt ei lenge morgensamling der vi pakkar opp ein pakke, inne i pakken er det ulike figurar som høyrer til juleevangeliet. Ein figur blir pakka opp kvar gong og ein ny del av juleevangeliet blir fortalt. Slik har vi fortalt juleevangeliet til barnegruppa og blitt kjent med både Maria, Josef, engelen, Jesus barnet, gjeterane og dei vise menn.


 

Barna har også laga diverse julegåver og julepynt, barna liker veldig godt forming og det er ekstra spennande når vi pakkar det inn og lager til fine julegåver til mamma og pappa.


                

                


Vi har både baka julemenn og pepperkaker, pepperkakene fekk barna pynte med godsaker og alle fekk med seg eit stort hjerte heim som dei hadde pynta sjølv.


Vi har hatt ei fin tid fram mot Jul, borna har fått kjennskap til Kristne Juletradisjonar og vi har skapt forventningar fram mot Jul. Det har vore ei koselig og stemningsfull Adventstid med rolege stunder og både spennande og hemmelige aktivitetar i mindre grupper.

tirsdag 15. desember 2015

«LUCIATOG OG LUSSEKATTER»

Mandag 14.des var førskulegruppa på besøk til «Nøtteliten». 



Revane song Luciasongen og fekk vere med på adventstund saman med barna på «Nøtteliten».

Vi tente det tredje lyset i dag og opna kalenderpakke nr 14.




Vi leika ilag og avslutta besøket med deilige Lussekatter og varm kakao. 

torsdag 10. desember 2015

Julevandring i Vatne kyrkje



I dag var avdeling Maurtua til Vatne kyrkje på Julevandring. 
Vi starta med å helse på keisar Augustus.


 Og så fekk barna skrive seg inn i manntalet.


Dei tre vise menn med gavene til Jesusbarnet, 
gull, røykelse og myrra.



Engelen Gabriel og englekoret øver på englesongen.


Stjerna viser veg til der den nye kongen vert fødd.  


Gjetarane fekk besøk av englane.


Josef og Maria med Jesusbarnet under Betlehemsstjerna.
.......................
Takk til dei tilsette i Vatne kyrkje.
.......................


Målet med aktiviteten:

  • ·    Gjennom arbeidet med etikk, religion og filosofi skal barnehagen bidra til at barna får:

-         innsikt i grunnleggjande verdiar i kristen arv og tradisjon,  og  deira plass i kulturen
-        får kjennskap til kristne høgtider og tradisjonar.
  • ·       Fordi vi går til kyrkja blir barna og kjend med nærmiljøet vårt og kvar kyrkja ligg.

onsdag 9. desember 2015

GRAUTFRUKOST MED TENTE LYKTER OG BÅL


Desember kan vere ein travel månad for både  store og små. Vi på Tryggheim barnehage, Vatne prøver å legge til rette for at både store og små skal senke skuldrane og få ei fin og roleg tid saman no før Jul. Mellom Adventstunder, Juleverkstad og baking tok vi oss tid til ein skikkeleg grautfrukost ute i ruskeveret. 

Kjekt at så mange tok turen tidleg til barnehagen for å ete frukost ute. 



I vår barnehage legg vi vekt på samarbeid mellom avdelingane, og på måndag er det Nøtteliten som får besøk av Revane!

lørdag 5. desember 2015

SANG TIL NØTTELITEN

FREDAG 04.DES VAR REVANE EIN TUR PÅ BIBLIOTEKET. 
PÅ VEG TILBAKE TIL BARNEHAGEN STAKK DEI NEDOM NØTTELITEN OG SANG TIL DEI. 

KJEKT Å FÅ SYNGE TIL SMÅ OG STORE PÅ NØTTELITEN! 




 GLEDE ANDRE ER EIN FIN TING Å GJERE !

onsdag 2. desember 2015

NO TENNER VI DET FØRSTE LYS







No tenner vi det første lys, 
åleine må det stå. 
Vi ventar på det vesle barn 
i krubba lagt på strå. 


No tenner vi det andre lys, 
dei står der stilt og skin. 
Vi ventar på at Gud, vår Far, 
vil sende Sonen sin 


No tenner vi det tredje lys, 
det er eit heilagt tal. 
Vi ventar på at Kongen vår 
skal fødast i ein stall. 


No tenner vi det fjerde lys 
og natta vert til dag. 
Vi ventar på ein Frelsarmann 
for alle folkeslag. 

Tekst: Sigurd Muri frå Ørskog


Og som eit tips finn du denne og 
fleire andre Julesangar på:  tunkatten.no 

Så no er det berre å øve :-)


VI YNSKJER STORE OG SMÅ EI FIN ADVENTSTID!

torsdag 26. november 2015

TUSEN TAKK FOR STØTTE TIL MISJONSLØPET VÅRT



Tidlegare i november har vi fått lære om korleis mange barn i Peru og Bolivia har det. 
Barna har fått lære om Sør-Amerika, blant anna om kva språk dei snakkar, kva mat dei et, kva dei dyrkar der og kva dyr som bor der.
Barna har fått lære enkle ord som:
Hola! – Hei! (uttale: åla) ein seier ikkje h´en i spansk
Adías – Ha det, adjø (uttale: Adiås)                              
Gracias - Takk (når ein får noko) (uttale: Grasias)

Sjå også: Misjonsprosjekt Sør-Amerika, Peru og Bolivia. 

Vi har også fått høyre at enkelte barn ikkje har det så godt og vi hadde difor lyst til å hjelpe dei som har det vanskeleg.
Ved å støtte Barnas Misjonsprosjekt er vi med på å gjere livet til barn i Sør-Amerika betre. Mange barn i Bolivia og Peru har det vanskeleg. Nokon har det vanskeleg fordi foreldra har dårleg råd, eller fordi foreldra drikk mykje alkohol og gløyme borna sine. Dette ynskjer Barnas Misjonsprosjekt å gjere noko med. Gjennom NLM prosjekt, som gåvene til Barnas Misjonsprosjekt går til, lærer foreldra om korleis dei kan vere ei god og trygg familie.
Den lokale kyrkja driv ulike kurs og i tillegg besøkjer NLM sine utsendingar skular og barnehagar og fortelje dei at Gud har skapt dei og at han er glad i dei.
Ved å vere med på dette prosjektet vonar vi å lære borna å utvikle toleranse og respekt for kvarandre, samtidig som dei kan utvikle empati og sjå at mange barn i verda ikkje har det så godt som vi har det i Noreg.

Det er mange måtar å få inn pengar på. I år valgte vi å lage eit Misjonsløp rundt barnehagen vår. Dei foreldra som ville det kunne enten gi ein fast sum eller ein sum pr.runde barnet sitt sprang. Vi hadde også delt ut sponsorbrev/faktura til små og store bedrifter i lokalmiljøet vårt. Sparebanken Møre både sponsa oss og lånte oss vestar med nummer på og start/mål banner.

19.november hadde vi Misjonsløpet vårt. Barna og dei vaksne sprang mange runder rundt barnehagen. Til lunsj kosa dei seg med grove rundstykker med gulrot i og kakao. Kakao passa godt til drikke på ein fin, men litt kjølig novemberdag. Men også fordi vi har lært at Kakao kjem frå Kakaotreet som veks i Sør-Amerika.

TUSEN TAKK FOR STØTTE TIL MISJONSLØPET VÅRT. 
EKSTRA KJEKT AT OGSÅ SLEKT OG VENER BIDROG.

Pr.05.12.15 er det kome inn kr.14627,- 
som vi sender til Barnas Misjonsprosjekt.

Sponsorane våre:

  • Foreldre, slekt og venner
  • Sparebanken Møre
  • Vatnesenteret AS
  • Øyra handel AS
  • Aalesund Oljekle AS
  • SUKK
  • KVIST
  • Trådsnella
  • Interiørbua 

tirsdag 17. november 2015

NØTTELITEN LEIKAR UTE

Vi går ofte på tur opp i barnehagen, der er det så kjekt å leike. 
Dei større barna kjem og vil vere ilag med dei minste og der har dei leiker som vi ikkje har nede med oss sjølve. 







Om vi ikkje går nokon plass held vi oss her nede med oss sjølve.


Vi likar å leike oss her nede på plassen vår.
Og vi har akkurat fått oss nye trillebårer J

mandag 16. november 2015

POPCORN PÅ BÅL

I dag var Revane på «tur» bak barnehagen.  I høve Misjonsprosjektet vårt, veit vi at dei dyrkar mykje mais i landet Peru, då tok vi like gjerne å laga ei heimelaga popcornmaskin!!  Med litt streng, to sikter og eit øydelagt vaskeskaft vart popcornmaskina klar til bruk.

 

 



Og vips, så vart det popcorn på alle!   




søndag 15. november 2015

Gulharane på tur til lavvoen


Vennskap: Torsdag var Gulharane på hausttur til lavvoen vår i skogen. Sjå berre her kor flinke vi har blitt til å vere turvenner!
Alle treng seg ein turvenn. Det er trygt og godt å ha nokon å halde i handa når vi er på tur. Kjekt å ha ein å prate med, flire med, dele opplevingar med… og når vi går på vegen der bilane køyrer er det viktig å ha ein turvenn slik at barna kan hjelpe kvarandre å passe på – for vi vil at ALLE skal vere trygge på tur!  

«Skal vi være venner, skal vi leke sammen du og jeg – det å gå alene, det er så kjedelig syns jeg….
Vi kan være venner, vi kan leke sammen du og jeg, kom å rekk meg hånden så går vi sammen på vår vei… Å være venner, å holde hender, slik at vi kjenner – det gjør godt!!»
(…og det heilt inn i hjertet vårt…!)

I haust har vi jobba mykje med vennskap på Maurtua; det å bry oss om kvarandre, dele med kvarandre, samarbeide og bruke fin stemme når vi snakkar til kvarandre J





Hausten; gule blad, raude blad, brune blad, nokre få blad hengande i treet – mange blad liggande på bakken… Kanskje dei har dansa i vinden – svevd i lufta - før dei landa på bakken…. No hadde dei stoppa.




«Se bladene de faller ned – da er det høsten skal du se…
Blader faller ned, blader faller ned, ja blader faller ned!»




Vennetrollet vårt i skogen; 
På veg til lavvoen går vi forbi ein rotvelt, og denne kan med god fantasi sjå ut som eit bustetroll. Rett så søt eigentleg. Denne trollhola må utforskast på kvar tur. Vi må kjenne på den lange nasa til trollet som det bruker til å lukte med… (NB… men berre kjenne, for trollet er redd for nasa si og vil ikkje at vi skal knekke den… men stryke på den – det kan vi gjere…) Vi kjenner på dei lange (litt skumle) armane, vi klatrer litt opp på skuldra og nokre tør seg til og med inn i sjølve trollhola. Her møter vi fine edderkopper: «Lille Petter edderkopp han klatret på min hatt. Så begynte det å regne og Petter ned han datt… Så kom sola å skinte på min hatt. Då blei det liv i edderkopp som klatret på min hatt..»


For nokre barn er det litt skummelt med troll, men vi snakkar mykje om at dette berre er eit tre som har blåst ned av sterk vind. Vi snakkar mykje om at det ikkje finst troll på ekte, berre i eventyr, i leiken og i fantasien vår…
Lurvelegg:
«Han tar seg frokost på en furustubbe, han heiter Lurvelegg og er en gubbe: Med ett øye, to naser, tre hoder og fire bein, med fem føtter, seks ører og sju negler av gråstein…»

Osv…





Vi fant ei spennande Bukkande Bruse bru på tur i dag. I tur og orden bytta barna på å vere trollet som satt under brua, den minste, mellomste og den store bukken, mens vi sang Bukkene bruse songen. 
   



Turboka vår i dag handla om det å vere glad i nokon, og kor vanskeleg det kan vere å klare å fortelje andre kor glad vi er i dei!
Då passa det superflott at vi på veg attende til barnehagen fant fine hjerteblad – blad med kjærlighet!!!
Vi var enige i at mamma og pappa – ja dei er vi såååå glade i – faktisk heilt
TIL MÅNEN……….
OG TILBAKE IGJEN…….. wow….

(… og då kan du berre tenke sjølv kor glad vi er i dei då…. for det er langt, og lenger enn langt og faktisk heilt ubeskriveleg mykje….)




Ein fin tur, med ein fin gjeng, i ein fin skog, i ei fin bygd, frå ein fin barnehage – med mange fine tankar om korleis vi skal vere gode venner mot kvarandre – rett og slett ein fin gjeng med barn som vi er så glad i J

fredag 13. november 2015

Misjonsprosjekt Sør - Amerika, Peru og Bolivia!

Denne veka har vi starta opp årets misjonsprosjekt i barnehagen. Vi skal lære om Peru og Bolivia, korleis folk leve der, kva dei et, kva dei trur på, kleda dei brukar og dyra som bur der.

Vi skal også samle inn pengar til barn og unge som ikkje har det like godt som oss som bur der. Vi skal lære om korleis barn kan hjelpe andre barn!

Først måtte vi finne landa på verdens kartet.


Så fekk vi høyre om folk, dyr og flagget til Peru.


Vi fekk høyre om maten dei dyrkar og smake på den.



Etterpå vi hadde sett og høyrt mykje spennande om både land, folk, mat og leiker fekk vi sjå og prøve på oss klede frå Bolivia.

Dei var veldig forskjellig frå kleda vi bruker her i Norge, men veldig fine.

 

Så tok vi fly til Bolivia!




Vel framme fekk vi sjå korleis barna der leve.


Vi tok fly heim til Norge igjen, og bestemte oss for at i dag – etter den lange reisa og mykje ny kunnskap så måtte det passe med taco til lunch!




 


Vi vil fortsette misjonsprosjektet vårt i to veker framover, og neste veke skal vi arrangere misjonsløp i barnehagen der vi samlar inn pengar til barn og unge som bur i Peru og Bolivia slik dei kan få eit bedre liv.

Dersom du vil bidra kan du sette inn pengar direkte på vår konto som barnehagen har satt opp til prosjektet: 3910.54.01861    Vi takkar for alle bidrag!