TRYGGHEIM BARNEHAGE VATNE: august 2017

mandag 28. august 2017

Velkomen til eit nytt barnehageår ved Tryggheim barnehage på Vatne

No er barnehageåret 17-18 kome godt i gang.

Dei fleste nye borna har alt starta,

medan enkelte kjem til å starte litt seinare.

Vi held fortsatt til i to leigde lokaler, medan vi ventar i spenning på at den nye barnehagen skal bli ferdig.

Heldigvis ser vi stadig endring på nybygget.

Så vonar vi at vi alle får eit godt og kjekt barnehageår!

onsdag 9. august 2017

Nøtteliten i Nedstebygda

I dag har Nøtteliten vore på tur i Nedstebygda.

Vi var i Nedrevold-stallen og såg på hestane, så gjekk vi opp på Hauen og såg på hønene. Etterpå åt vi mat på låvebrua til Camilla. Der var også hester på rømmen, og dei fekk vi klappe når dei hadde blitt fanga inn. Stor stas!

Sommerhelsing frå Nøtteliten

VÅRT PEDAGOGISKE GRUNNSYN

Vårt pedagogiske grunnsyn er bygd på det kristne verdigrunnlaget og på Bibelen sitt syn på mennesket. Vi ynskjer at dei tilsette i barnehagen skal sjå på barna, foreldra, sine medarbeidarar og seg sjølv slik Gud ser menneske. Jesus sette barna høgt. Han var glad i dei og ville at dei skulle kome til ham, og han heldt dei fram som førebilete for disiplane. Jesus sitt forhold til barna er eit førebilete for dei tilsette i barnehagen.
Vi ynskjer at barna får oppleve at dei blir verdsett, inkludert, finn vener, får utvikle seg etter sine eigne føresetnadar, får livsglede og lærer å ta omsyn til kvarandre og fungere i større og mindre grupper.

Vi er opptekne av at det skal vere mykje humor og glede i kvardagen.
Barnet utforskar verda. Læring og utvikling skjer gjennom samspel mellom barn-barn og barn-vaksne frå fyrste stund.
Kvardagen til barna er dei vaksne sitt ansvar. Vi vil vere gode rollemodellar for borna ved å skape gode relasjonar. Ekte interesse, innleving i barnet og undring saman med barnet er viktig.

Vi er bevisste på barnet sine ressursar og moglegheiter. Barnet sjølv er aktør i si eiga utvikling.
Vi vil vere empatiske vaksne som anerkjenner barnet, slik at barnet vert sett, høyrt og tatt på alvor. Respekt og likeverd er viktige stikkord.
Barn treng engasjerte vaksne som rettleiarar, men dei har rett til eigne meiningar og innverknad på eigen kvardag. Det er viktig å vere interessert i det barnet er opptatt av her og no.
Vi vil at barna skal kjenne seg trygge i barnehagen. Tryggleik og trivsel er grunnlaget for all positiv utvikling. Vi vil sjå etter det beste i barnet.

Foreldre og barnehagepersonalet har eit felles ansvar for barnet sin trivsel og utvikling. Det er viktig at foreldra føler dei har medverknad, at dei ser meining i det som skjer i barnehagen og at dei får støtte. Barnehagen skal i samarbeid og forståing med heimen ivareta barna sitt behov for omsorg og leik, og fremje læring og danning som grunnlag for allsidig utvikling.

Tilrettelegging for leik er ei viktig oppgåve. Å leike er ikkje berre eit pedagogisk verkemiddel for å fremje utvikling hos barnet.

Å leike er eit mål i seg sjølv.
Leiken gjev barnet glede.
Leiken fremjar utviklinga til barnet på alle område: Intellektuelt, språkleg, fysisk, sosialt og emosjonelt. I leiken utviklar og styrkjer barnet identiteten og sjølvkjensla si.

NLM BARNEHAGENE AS

mandag 28. august 2017

Velkomen til eit nytt barnehageår ved Tryggheim barnehage på Vatne

onsdag 9. august 2017

Nøtteliten i Nedstebygda

Totalt antall sidevisninger

Bloggarkiv

Følgere