NLM BARNEHAGENE AS

* Maurtua - Revegruppa/Førskulegruppa og Haregruppa

* Bikuba - Klatremusgruppa og Skogmusgruppa

* Ekorna

* Nøtteliten

lørdag 22. oktober 2016

Natur og dyr

Om hausten er det mange vakre inntrykk i naturen. Tre blir farga i grøn, oransje, gul, raud og brun, himmelen ser ut som eit maleri om morgon, og store endringar skjer både med temperatur og vær. Dette er ein inspirasjon for nokre av aktivitetane for Lilla gruppe på Ekorna.


På avdelinga Ekorna har Lilla gruppe natur og dyr i fokus denne hausten. Barna skal få oppleve naturen og få undre seg over mangfaldet i naturen. Vi skal legge til rette for at dei får erfaringar med og kunnskap om dyr og vekstar i nærområdet.

I den anledning har vi blant anna vore på ulike turar i nærområdet. Vi har blant anna besøkt hestar på gardar, besøkt den gamle barnehagen, vore på tur opp til kyrkja og ned til Gurinesbukta. På dei ulike turane har vi helsa på ulike dyr og sett på ulike plantar og vekstar. Vi har sanka inn både blad, steinar og andre fenomen frå naturen. Dette har vi igjen brukt til ulike aktivitetar i barnehagen. Barnegruppa har mala solnedgangen, hausttre og laga andre kunstverk. Barna har også fått laminert blad dei har plukka på tur.


                

I tillegg jobbar vi i barnehagen med tema vennskap og omsorg, vi legg derfor også til rette for at det skal vere fellesleik og aktivitetar som inkluderer alle. Vi syng, dansar, brukar heimelaga instrument, leiker inne og ute, hinderløype og mykje anna moro.