TRYGGHEIM BARNEHAGE VATNE: Gulharane på tur til lavvoen med sporjakt

torsdag 4. februar 2016

I dag 4.februar drog Gulharane på tur.

Mål: Vi lærer om vinter og dyr

Gjennom arbeidet med Kommunikasjon, språk og tekst skal barnehagen bidra til at barna

- vidareutviklar omgrepsforståinga og bruker eit variert ordforråd

Gjennom arbeidet med Kropp, rørsle og helse skal barnehagen bidra til at barna

- skaffar seg gode erfaringar med varierte og allsidige rørsler og utfordringar

- får gode erfaringar med friluftsliv og uteliv til ulike årstider

- utviklar glede over å bruke naturen til utforsking og kroppslege utfordringar

Gjennom arbeidet med Natur, miljø og teknikk skal barnehagen bidra til at barna

- opplever glede ved å ferdast i naturen og får grunnleggjande

- innsikt i natur, miljøvern og samspelet i naturen

Ut på tur, aldri sur J

Vi varmar ostesmørbrød på bål, før vi leiter etter spor i snøen.

Vi hadde med oss bilete av spora til Hare, Mus og Rev.

Det var spanande å sjå kva for spor vi fann.

Vi er heilt sikker på at vi fann spor av hund, fugl, mennesker, hjort og mus, nokre trudde og dei fant spor etter Ulv..

Vårt pedagogiske grunnsyn er bygd på det kristne verdigrunnlaget og på Bibelen sitt syn på mennesket. Vi ynskjer at dei tilsette i barnehagen skal sjå på barna, foreldra, sine medarbeidarar og seg sjølv slik Gud ser menneske. Jesus sette barna høgt. Han var glad i dei og ville at dei skulle kome til ham, og han heldt dei fram som førebilete for disiplane. Jesus sitt forhold til barna er eit førebilete for dei tilsette i barnehagen.
Vi ynskjer at barna får oppleve at dei blir verdsett, inkludert, finn vener, får utvikle seg etter sine eigne føresetnadar, får livsglede og lærer å ta omsyn til kvarandre og fungere i større og mindre grupper.

Vi er opptekne av at det skal vere mykje humor og glede i kvardagen.
Barnet utforskar verda. Læring og utvikling skjer gjennom samspel mellom barn-barn og barn-vaksne frå fyrste stund.
Kvardagen til barna er dei vaksne sitt ansvar. Vi vil vere gode rollemodellar for borna ved å skape gode relasjonar. Ekte interesse, innleving i barnet og undring saman med barnet er viktig.

Vi er bevisste på barnet sine ressursar og moglegheiter. Barnet sjølv er aktør i si eiga utvikling.
Vi vil vere empatiske vaksne som anerkjenner barnet, slik at barnet vert sett, høyrt og tatt på alvor. Respekt og likeverd er viktige stikkord.
Barn treng engasjerte vaksne som rettleiarar, men dei har rett til eigne meiningar og innverknad på eigen kvardag. Det er viktig å vere interessert i det barnet er opptatt av her og no.
Vi vil at barna skal kjenne seg trygge i barnehagen. Tryggleik og trivsel er grunnlaget for all positiv utvikling. Vi vil sjå etter det beste i barnet.

Foreldre og barnehagepersonalet har eit felles ansvar for barnet sin trivsel og utvikling. Det er viktig at foreldra føler dei har medverknad, at dei ser meining i det som skjer i barnehagen og at dei får støtte. Barnehagen skal i samarbeid og forståing med heimen ivareta barna sitt behov for omsorg og leik, og fremje læring og danning som grunnlag for allsidig utvikling.

Tilrettelegging for leik er ei viktig oppgåve. Å leike er ikkje berre eit pedagogisk verkemiddel for å fremje utvikling hos barnet.

Å leike er eit mål i seg sjølv.
Leiken gjev barnet glede.
Leiken fremjar utviklinga til barnet på alle område: Intellektuelt, språkleg, fysisk, sosialt og emosjonelt. I leiken utviklar og styrkjer barnet identiteten og sjølvkjensla si.