"Små fota på tur i sol og minusgrader."

Vi nærmar oss mars månad, men der er ingen teikn til våren endå. Dei yngste borna på Ekorna var onsdag på tur til nausta i fjøra. Det var sju minusgrader, men med gode klede så stoppa ikkje dette ein blid turgjeng. 

 

Dei yngste øver seg no på å gå på tur med turtau. Vi øver på å halde fast, gå i samla flokk, vente på kvarandre og ta hensyn til kvarandre. Og dei har blitt kjempeflinke! 

 

Nede ved nausta skein sola og vi klatra og leika i og rundt det flotte klatretreet der. Det er viktig at borna får utfordre seg motorisk og utfolde seg i ulendt terreng. Noko dei fikk i dag. 

 

Vi gynga på greinene, klatra, sprang og krabba rundt i sola. Vi fann også ein perfekt stolpe som vi balanserte på. 

Vanskeleg var det, men så kjekt! Nokre ville gjerne prøve fleire gonger. 

På vegen opp att såg vi på dei mange båtane i småbåthavna. Ein blid og fornøgd gjeng tusla seg opp att i barnehagen for å fortelje om det spanande eventyret vi hadde vore på! 

Ein frisk og kjekk turdag på Ekorna!

Ynskjer du barnehageplass hjå oss på Tryggheim barnehage på Vatne?

Fredag 23.februar kunne nøkklane til nye Tryggheim barnehage på Vatne overleverast til dei tilsette i barnehagen. Mørehus som ansvarleg entrepenør serverte oss herleg kake og kaffi.

No er dyktige foreldre i gang med å vaske ned barnehagen. Og straks kjem dei som skal sette på plass garderober og anna nytt inventar.

I neste veke vil det bli tillaga for tilkomst frå Ulvestadvegen si side.

Og i løpet av våren vil vi starte med å fornye uteområdet.

Etter Påske er vi klar til å starte opp i nye og tjenlege lokale. 

Minner om at søknadsfrist for dei som ynskjer barnehageplass til hausten er 1.mars.

Klatremusene på tur saman med Haregruppa

Når elevane på Barneskulen har vinterferie nytta vi oss med ein leikedag på skulen. 

På turen tok vi med oss bøtter og spade – vi skulle nemleg få vere med Haregruppa og lage snøborg.

Bøttene blei fylt opp med snø, så snudde vi dei opp ned – mange på rekke og rad.

På skulen er der mange kjekke leikeapparat.

Vi må vente på tur, hjelpe kvarandre og samarbeide.

Vi fekk også sjå ein traktor som brøyta veg på skuleplassen. Spennande!

«DEN LILLE LARVEN ALDRIMETT» - SAMLING MED SKOGMUSENE 21.02.2018

På «Bedehusbarnehagen» skal vi fram til sommaren ha boka «Den lille larven Aldrimett» av Eric Carle som tema. Vi har fleire økter som gjennomførast med jamne mellomrom for at barna skal ha kjennskap til heilskapen i forteljinga.

I dag hadde Skogmusene samling, der fokuset var den første sida i boka: 

«Om natten, i måneskinn, lå det et lite egg på et blad».

Kva er eit egg, kva form, størrelse og farge har det? Kven har lagt dette egget, er det andre sorter egg? Vi hadde med vanlege egg, som høner hadde lagt. Dei var ovale og vi kunne høyre at det høyrdes ut som vatn inni. Det vart knekt og hatt i ein bolle, vi drog parallellar til det lille egget på bladet og egget frå høna. Men i det eine skulle det bli kylling og det andre larve. Vi såg bilete i ei bok, der vi såg forskjellen på egga etterkvart som larven utvikla seg.

«utfordre tenkinga til barna og invitere dei inn i utforskande samtalar». (Rp:21)

Vi hadde Kims leik. Det var konsentrerte Skogmuser som var flinke og dei såg kva for ein ting som mangla.

Det var engasjerte barn som undra seg i lag             

med dei vaksne.

Vi avslutta samlinga om det vesle egget på bladet i måneskinn, med å lese heile boka om «Den lille larven aldrimett».

Mål med dette temaet er:                                                                                                                       

 - Bli kjend med forteljinga.                                                                                                                                                                                         

- Øve på å lytte og vere 

delaktig i forteljinga. 

                                                                                                       

- Gje barna eit forhold til tal, 

mengder og størrelsar.

Førskuledag og besøk på skuleplassen

Revane var på Førskuledag onsdag14.februar. 

Barnehagen skal i samarbeid med foreldra og skulen leggje til rette for at barnet kan få ein trygg og god overgang frå barnehage til skule, og eventuelt til skulefritidsordning. (Rpl;33)

Kjekt å bli litt betre kjent på skulen og med fadderklassa. Vi leika på SFO, var på klasserom og brukte datamaskiner, og holdt på med leikar i gymsalen. 

                       

Denne vinterferieveka nyttar vi høve til å boltre oss på skuleplassen. Spennande med noko anna innimellom! ☀

KREATIVITET OG SKAPARGLEDE PÅ HAREGRUPPA

I dag etterlyste barna garasje til bilane som dei leika med.

Barnehagen skal gje barna høve til å finne sine eigne uttrykksformer, få fram kreativ tenking og finne skaparglede i det dei gjer. (Årspl.17/18)

Vi er godt i gang med garasjane og gler oss til å vise dei fram når vi er ferdig.

Ein heilt vanleg måndag!

I dag gjekk Skogmusene på tur. Alle ville opp til lavvoen! På vegen møtte vi Ekorna, kjekt! 

Vi måtte av stad for å sjå nybarnehagen, i dag var utelys på! Vi såg vindu der vi Biene skal vere. Åh kor vi gler oss!

                          

På Ulstad var det jobbing. Ein mann var oppe i ei korg og ein annen var oppe i ein stolpe. Spennande!!

Når vi gjekk vidare, såg vi plutselig ein fugl ute i grøfta, den var død. Kva hadde skjedd?? Det var ein dompapp, stakkar.

Dette var litt av det vi opplevde på turen vår opp til lavvoen!!

BEDEHUSBARNEHAGEN MARKERER SAMEFOLKET SIN NASJONALDAG

Samefolket sin nasjonaldag (Sámi álbmotbeaivi), som var 6.februar vart markert på Bedehusbarnehagen i dag. På morgonmøtet snakka vi om og såg bileter av ein same, kofte, korleis dei bur, lavvo, lasso, reinsdyr, og vi høyrde på samisk joik.   

Etterpå gjekk vi ut og hadde aktivitetar. Det var tent opp i bålpanna. 

Vi kasta med lasso på reinsdyrhorn. 

Etterpå fekk vi servert god Bidus.

I dag snøa det og vi avslutta ein fin dag med å lage snømann med fargane i det samiske flagget; grønt, raudt, gult og blått!

«Barnehagen skal bidra til at barna blir kjent med andre sin kultur, og til at barna kan utvikle respekt og fellesskapskjensle» 

(Rammeplanen for barnehagen 2017)

Oppskrift på Bidus (4 personar)

500 g kjøt (bog)

1,5 l vatn

1 ½ ts salt

1 ss kveitemjøl

2 gulerøter

3-4 poteter

Bruning: 1 ss margarin og 4 ss kveitemjøl

Safari

Den eldste gruppa på Ekorna har i dag hatt safari i Tanzania. Det var superspennande!

Vi høyrte på jungellydar frå telefonen medan vi lista oss inn på det mørke rommet. Der måtte vi sjå om vi fant små lys.

"DER ER EIT LYS" ropte dei og sprang bort til det vesle el-lyset. Der låg det eit lite dukketeppe. Dei løfta forsiktig på det. "EIN ELEFANT!" utbraut dei. 

Vi snakka om elefanten. Størrelse, farge, lydar og avslutta med ein sang om elefanten. (en elefant kom marsjerende).

Så måtte vi gå videre for å finne enda fleire lys. Vi måtte krype gjennom ein jungeltunnel for å finne neste lys. Der bodde det ei løve i ei hole. 

Alle hadde noko dei ville fortelle om løva. Og så sang vi "en tiger er for diger".

Neste stopp var under bordet. Der bodde det to giraffer under eit lite teppe. 

Barna fikk hint om kva dyr som var der. Og jammen klarte dei å tippe rett.
Siste stopp var apekatten. Den var litt vanskelig å finne. For han hadde gjøymd seg høgt oppe i eit tre(hylla). Men dei fant han til slutt. Og han sa han hadde ein overraskelse til barna.

Han sa at dei måtte leite etter eit lite lys på kjøkkenet.

Lyset på kjøkkenet var ved sidan av ei skål med mais. Barna vart veldig engasjerte og ville smake med ein gang.

Så satt dei der da. Rundt bordet, åt mais og høyrte på jungellydar, fortalte om kva dei hadde opplevd på safarien, og var så fornøgde.

Takk for ein fin safaritur!