Vi har den siste tida vore mykje delt
gjennom heile dagen på Blå avdeling. Fine dagar har det vore, men no ville vi
ha ein dag saman – heile gruppa vår. Og for ein dag det vart! Sola skein frå klar, blå himmel. Vi
pakka sekkane og satt kurs mot Gurineset. Nokre i vogn, og andre med turtau. Så byta
vi litt på undervegs.
Då vi kom fram fekk alle ta av seg sko
og bukser, og gå med nakne små føter på småstein og sand ut i vatnet.
Då er det godt med ei støttande, trygg
hand å halde i.
Det var godt å dyppe føtene i det
kjølande vatnet, og etter kvart vart vi meir trygg på det steinete underlaget.
Vi vassa, kasta småstein og høyrde
lyden dei laga når dei trefte vatnet.
Vi fiska både raude og blå fiskar, hai
– og såg krokodiller inn i mellom stråa i vatnet.
Etter ei god stund med mykje leik
langs vannkanten vart vi litt kalde og litt slitne.
Då tok vi av våte klede, og nytte
lunsjen vår i sola.
Etter lunsj var batteria lada, og vi
var klar for leik att – i naturen sin leikeplass !
Nøgde vende vi så snuten tilbake til
barnehagen. Nokre klare for kvile i vogna, og andre for kvile frå sola inne på
avdelinga.
Atter ein kjekk dag
på Blå avdeling – og ein fin tur saman. Det var lenge sidan sist!
- Gro Anita -
