Juletreet på Brenthaugen fekk besøk

I dag har heile Bedehusbarnehagen gått på tur til juletreet på Brenthaugen. Vi pakka godt på oss, tok med mat og drikke. 

Marion passa på trafikken mens alle saman gjekk over vegen. 

Vi var mange som skulle over.

Det var nokre stader der vi måtte vere motor for det var bratt. 

Randi drog godt oppover. 

Vi nærma oss juletreet no. 

Vi var heldigvis ikkje så sliten enda. 

No såg vi juletreet, men det var ikkje sånn juletre vi hadde forestilt oss. Der var ein stolpe og ikkje eit tre. 

Mat og drikke må kroppane ha etter ein flott tur opp. 

Vi song og gjekk rundt juletreet. 

Så kjekt at vi år også klarte å gjennomføre denne førjulstradisjonen.

Julebord på Bedehusbarnehagen

I dag har vi hatt det ekstra koseleg på Bedehusbarnehagen.

............

"Barnehagen skal leggje til rette for at alle barn kan oppleve rørsleglede, matglede og matkultur, mentalt og sosialt velvære og fysisk og psykisk helse. Barna skal inkluderast i aktivitetar der dei får bevege seg, leike og samhandle med andre og oppleve motivasjon og meistring ut frå eigne føresetnader." 

- Rammeplanen 2017-

Maurtua og Bikuba har samarbeidt om eit flott Julebord.

Vi har gått rundt Juletreet og hatt Juledico.

                           

For ein herleg Julebuffet. 

Her var mange gode restar frå Julefesten! 

                           

I tillegg hadde vi gode kanapeer 

og herlige små fruktskåler!

SMÅ OG STORE PÅ BEDEHUSBARNEHAGEN YNSKJER ALLE 

GOD JUL OG GODT NYTTÅR!

Jakop og Neikop

I prosjektet med Skogmusene har vi blitt kjent med boka Jakob og Neikob. Jakob sier alltid JA og Neikob sier alltid NEI. Boka er bygd opp av motsetningar og geometriske former.

Høgtlesing gir ein unik sjanse til å skape interesse og gode samtalar rundt  matematisk utforsking .

Vi har teke for oss dei ulike geometriske formene: kvadrat, sirkel og trekant. Her har vi sett på kva som er likt og ulikt ved dei ulike formene og kva som skal til for å kalle dei namnet sitt. 

Vi avslutta med ein koseleg matematikkverkstad der vi brukte alle formene til å sette saman tekst og bilde til eit julekort. Her kunne barna velge mellom Josef, Maria og Jesusbarnet eller Nissen med ynskjeliste bakpå om dei ville det. 

Det var et veldig kjekt prosjekt for store og små!

(tekst og bilete ved student Marte Bjørge) 

Vi kosar oss i snøen ved Brakkebyen

Då vart det endeleg ein etterlengta snødag i barnehagen 

for både store og små på Ekorna og Nøtteliten. 

Vi kosa oss, basa i snøen, rente på akebrett 

og måka i lange baner! 

Hurra for vinter og snø!! 

Besøk av ein vismann

Studenten vår på Haregruppa er i full gang med prosjektarbeidet, med fokus på Juleevangeliet og dei tre vise menn. Vi fekk besøk av ein vismann, og vi fikk kjenne på gull, lukte på røykjelse og sjå myrra.

Studenten har også vist dukketeater av historia om dei tre vise menn, 

og tilført nytt leikemateriell.

Måndag skal vi ha juleverkstad der barna får lage sine eigne figurar saman med studenten.

Ekorna på undretur i nærmiljøet

Ei lita gruppe fra Ekorna fekk seg ein fin undretur i dag.

Vi gjekk ned til sjøen nedom barnehagen. Der møtte vi på 7 ender. Så spennande. Og så rare lyder dei laga!

Vi gjekk videre langs sjøen, forbi nokre hus med traktorer og campingvogner utanfor. Vi såg også mange fine julelys og julestjerner i vindauga.
Det draup fra ei takrenne heilt nede ved bakken. Det måtte kjennast på. Kaldt og vått, men så artig å få kjenne korleis det føles når det drypp på handa.

Oppe på ein veranda såg vi ein stor snømann. Vi vinka til den og sang "snømannen Kalle".

Etterpå var det godt å kome seg inn, varme seg litt og ete mat.

Takk for ein kjekk tur! 😊 

Advent på Maurtua

Endeleg var det 1.desember.

Adventstida er ei spennande og koseleg tid på barnehagen.

Juleposane er måla og oppi dei legg vi fine gåver som vi lagar.

Vi gler oss til den dagen vi får ta dei med heim! 

Vi får vere med å pynte Juletreet.

Og kvar dag får vi trekke kven som skal opne dagens "luke" 

på den fine Adventskalendaren vår.