NLM BARNEHAGENE AS

* Maurtua - Revegruppa/Førskulegruppa og Haregruppa

* Bikuba - Klatremusgruppa og Skogmusgruppa

* Ekorna

* Nøtteliten

søndag 12. mars 2017

HAKKEKBAKKESKOGEN

Endeleg var dagen komen! Vi har hatt nedtelling og gledd oss til å reise på kino (8.mars) for å sjå Hakkebakkeskogen. Vi på Bedehusbarnehagen har hatt Hakkebakkeskogen av Torbjørn Egner som tema etter jul. Vi har lest frå boka, sunge sangane, hatt ulike formingsaktivitetar, prega avdelingane og leika dei ulike figurane i frå boka. Så vi er godt kjent med historia vi skulle sjå.

Forventningsfulle barn og vaksne ventar på bussen.
Det var spennande å ta bussen til Brattvågen. 
Og når vi kom fram, gjekk vi rett inn i kinosalen.
Vi fann oss gode plasser.

Og så kunne filmen byrje..

Det var mange kjente figurar og sanger, vi sang med!!  
Det vart litt for spennande av og til, spesielt Mikkel Rev og Petter pinnsvin var litt skumle for enkelte. Då var det godt å ha ei hand å halde i eller eit fang å krype opp i.




Det var gjenkjenning, humor og glede. Og mykje spontan latter. 
Gjett om vi kosa oss!!

Det var fengande musikk på avslutningsscenene ...

og då måtte vi berre opp og danse!

Etterpå åt vi nistematen vår ute i vestibylen.  


Turen gjekk vidare til leikeplassen til Brattvåg barneskule. 
Kjekt med ein ny plass å leike på og nye leikeapparat. 


Det var ein fornøgd gjeng som sette seg på bussen tilbake til Vatne. 
Vi hadde ein flott dag, med mange gode opplevingar, fellesskap og glede!