TRYGGHEIM BARNEHAGE VATNE: januar 2015

torsdag 29. januar 2015

Bukkene Bruse

Mål for temaperioden:

· Bli kjent med det tradisjonelle eventyret

· Bli kjent med ny barnelitteratur: Bukkene Bruse på badeland

· Bruke litteratur som inspirasjon til drama

· Omgrepstrening

· Tal og teljing

No i starten gjer vi oss kjende med det tradisjonelle eventyret før vi går over til

Bukkene Bruse på badeland.

Dramatisering ved hjelp av konkreter og ved å dramatisere sjølve.

Dette vert kombinert med formingsaktivitetar.

onsdag 28. januar 2015

GENERALSTREIK FOR ARBEIDSMILJØLOVA

Som medlemmar i Utdanningsforbundet, streika desse blide damene,

men med knytta neva, i dag 28. januar 2015.

Statsråd Erikson seier han vil ha fleire midlertidige stillingar.

Dette kan mellom anna føre til meir utskifting av personell i barnehagen, noko som kan gå utover barna . Det er trygt for barna å ha eit stabilt personell!

Utvida arbeidstid på opptil 12,5 timar og med utvida normalarbeidstid må du og jobbe fleire timar til vanleg lønn før du har krav på overtidsbetaling.

Så i dag har vi streika, ikkje berre for barnehagetilsette , men for alle der ute !

Besøk av Hege og Siri

På fredag 23.januar var vi så heldige å få besøk av Hege og Siri.

Hege bor i Brattvågen. Ho arbeider i NLM ung og besøker blant anna barnehagar.

Ho har besøkt oss før, men denne gongen hadde ho med seg Siri.

Siri hadde pynta seg med fin kjole frå Kina.

Hege og familien har bodd der før.

Vi fekk høyre om fiskerane som fekk møte Jesus og

som fekk mange fiskar.

Etterpå sang vi mange fine songar.

Det er alltid kjekt å få besøk.

Hege kom først til oss på Bikuba.

Etterpå var ho på Maurtua og hadde samling med dei andre.

Takk for besøket og Velkomen igjen!

onsdag 21. januar 2015

I DAG GJEKK TUREN TIL LAVVOEN VÅR OPPE I SKOGEN

I januar skal Harane verte kjend med ulik barnelitteratur, og har mellom anna valgt eventyret om «Pannekaka».

Vi skal bruke dette eventyret til inspirasjon for dramatisering.

Her fordeler barna roller til kvarandre (samarbeid), og her er vi godt i gang med dramatisering.

Her ser vi Kone Krone som snur pannekaka.

Vi avslutta sjølvsagt turen med gode pannekaker.

mandag 19. januar 2015

HURRA FOR

SOLFEST I TRYGGHEIM BARNEHAGE 16.01.15

Sola er god, sola er toppen!

Sola er god og den bruner på kroppen!

Sola som skinner hver morgon for meg.

Sola på Vatne/i barnehagen er best synest jeg!

Tradisjon tru feira vi at sola har kome tilbake til barnehagen. Medan vi venta på sola, har kunst, kultur og kreativitet stått i fokus. Vi har hatt ulike formingsaktivitetar i forhold til gul farge og sol. Det har vore skapt mange soler både inne og ute!

Vi har måla og trykt på vindu og papir, klipt, limt og baka!

Fredag kosa vi oss ilag på solfesten som Haregruppa arrangerte. No håper vi på å få sjå den verkelege solaJ

mandag 12. januar 2015

Tur til Gurineset

HARESTUA ER GODT I GANG MED TURAR I NÆROMRÅDET.

Onsdag gjekk turen til Gurineset.

torsdag 8. januar 2015

Godt nytt år!

Med desse vinterbileta vil vi på Tryggheim barnehage, Vatne

ynskje dokke alle

GODT NYTT ÅR!

VÅRT PEDAGOGISKE GRUNNSYN

Vårt pedagogiske grunnsyn er bygd på det kristne verdigrunnlaget og på Bibelen sitt syn på mennesket. Vi ynskjer at dei tilsette i barnehagen skal sjå på barna, foreldra, sine medarbeidarar og seg sjølv slik Gud ser menneske. Jesus sette barna høgt. Han var glad i dei og ville at dei skulle kome til ham, og han heldt dei fram som førebilete for disiplane. Jesus sitt forhold til barna er eit førebilete for dei tilsette i barnehagen.
Vi ynskjer at barna får oppleve at dei blir verdsett, inkludert, finn vener, får utvikle seg etter sine eigne føresetnadar, får livsglede og lærer å ta omsyn til kvarandre og fungere i større og mindre grupper.

Vi er opptekne av at det skal vere mykje humor og glede i kvardagen.
Barnet utforskar verda. Læring og utvikling skjer gjennom samspel mellom barn-barn og barn-vaksne frå fyrste stund.
Kvardagen til barna er dei vaksne sitt ansvar. Vi vil vere gode rollemodellar for borna ved å skape gode relasjonar. Ekte interesse, innleving i barnet og undring saman med barnet er viktig.

Vi er bevisste på barnet sine ressursar og moglegheiter. Barnet sjølv er aktør i si eiga utvikling.
Vi vil vere empatiske vaksne som anerkjenner barnet, slik at barnet vert sett, høyrt og tatt på alvor. Respekt og likeverd er viktige stikkord.
Barn treng engasjerte vaksne som rettleiarar, men dei har rett til eigne meiningar og innverknad på eigen kvardag. Det er viktig å vere interessert i det barnet er opptatt av her og no.
Vi vil at barna skal kjenne seg trygge i barnehagen. Tryggleik og trivsel er grunnlaget for all positiv utvikling. Vi vil sjå etter det beste i barnet.

Foreldre og barnehagepersonalet har eit felles ansvar for barnet sin trivsel og utvikling. Det er viktig at foreldra føler dei har medverknad, at dei ser meining i det som skjer i barnehagen og at dei får støtte. Barnehagen skal i samarbeid og forståing med heimen ivareta barna sitt behov for omsorg og leik, og fremje læring og danning som grunnlag for allsidig utvikling.

Tilrettelegging for leik er ei viktig oppgåve. Å leike er ikkje berre eit pedagogisk verkemiddel for å fremje utvikling hos barnet.

Å leike er eit mål i seg sjølv.
Leiken gjev barnet glede.
Leiken fremjar utviklinga til barnet på alle område: Intellektuelt, språkleg, fysisk, sosialt og emosjonelt. I leiken utviklar og styrkjer barnet identiteten og sjølvkjensla si.

NLM BARNEHAGENE AS