Sakkeus i treet

 Gruppe 1 på Raud avdeling leiker Sakkeus i treet i uteleiken.

Vi har høyrt bibelhistoria om Sakkeus i samlingane våre inne, og mandag tok vi med historia ut.

Det var kvar sin gong å få vere han Sakkeus, og Eva var Jesus.

For å klare å sjå Jesus måtte borna klatre opp i treet vårt på uteområdet – og der såg dei menneska i byen (dei andre borna på benken) og Jesus som stod bak (Eva). Borna fekk klatre så langt dei sjølve meistrar og klatre i tre det er noko vi likar godt. Alle var einig om at oppe i treet såg dei betre, både borna som sat nede på benken og Eva som var Jesus.

Sakkeus var jammen lur som klatra opp i morbærtreet for å få sjå Jesus!

Jesus vinka og sa at Sakkeus måtte kome ned, han ville helse på Sakkeus og vere venen hans. Då klatra borna ned igjen frå treet og gjekk fram til Jesus og helsa på han.

Så song vi songen om Sakkeus.

                                 

                                 

Leiken skal vere ein arena for utvikling og læring og for sosial og språkleg samhandling.

Barnehagen skal vere bevisst på dei ulike uttrykksformene til barna og leggje til rette for medverknad på måtar som er tilpassa alderen, erfaringane, dei individuelle føresetnadene og behova til barna (Rammeplan for barnehagen, 2017).

Gjennom å ta med tema inn i leiken og interessa til borna som å klatre i tre, følgjer vi opp det som Rammeplan seier. 

Haust – Vennskapstre på Raud avdeling

 

Språkutvikling og sosial kompetanse er ein raud tråd gjennom året på Raud avdeling. I haust har det vore naturleg å setje ord på og samtale om endringane som skjer med blada som fell av trea og alle fargane vi har i naturen denne årstida. 

Dette har vi teke med oss inn, og borna fekk måle haustblad med hendene sine. Der tok vi igjen nokon av fargane vi har sett ute i leik og på tur.

 

Vidare har vi som mål at det bibelske innhaldet skal vere ein naturleg del av kvardagen vår på Raud, og val av bibelhistorie skal vere bevisst opp i mot det det vi jobbar med på avdelinga. Den første bibelhistoria vi tok tak i dette året er om Sakkeus. Her har vi fått høyre om lille Sakkeus som klatra opp i morbærtreet for å sjå når Jesus kom ridande. Sakkeus var ikkje så godt likt då han stal pengar frå folket. Då Jesus likevel ville vere venen hans og kome på besøk, vart Sakkeus glad, og han ville gje attende alle pengane som ikkje var hans. 

Bodskapen i bibelhistoria er vennskap og korleis vi skal vere med kvarandre, og at alle er verdifull - og passa godt inn i tema på Raud. 

Sakkeus var en liten mann

Sakkeus var en liten mann

En bitte, bitte liten mann.

Han klatra opp i et morbærtre

For han ville Jesus se

For han ville Jesus se!

 

Og Jesus gikk på veien frem

Han stanset opp og sa;

«Sakkeus! Kom ned!»

For i dag vil jeg gjeste ditt hus

For i dag vil jeg gjeste ditt hus! 

Utifrå dette har alle borna på Raud vore med på å  lage eit tre som heng på avdelinga vår. Alle handavtrykka er limt på, og det same er teksten til songen om Sakkeus. Denne syng vi i samlingane vår – vi er glad i song og musikk!

Song er eit godt og kjekt verkemiddel for å styrkje borna si språkutvikling.

Lysa i treet vil vere tend på morgonane når borna kjem til barnehagen. Dei vil lyse opp i haustmørket.

Og treet er eit produkt vi har laga saman, og saman er vi god! 

                                   

GRØN AVDELING REISER MED FLY TIL INDONESIA

Vi på Tryggheim barnehage, Vatne er med på Barnas Misjonsprosjekt og dette året samler vi inn penger til NLM sitt arbeid i Indonesia. Pengane skal mellom anna gå til:    

·      Førebyggande helsearbeid blant barn, der dei får opplæring i hygiene og handvask.

·      At barn på barneheimar skal få ein betre kvardag.

·      At fleire barn skal få høyre om Jesus.

For å bli litt betre kjent med landet, såg vi på globusen vår. Kvar Norge er og at heilt på den andre sida av jordkloda låg Indonesia. Og at alt det blåe var hav og det andre var land, at Indonesia består av mange store og små øyer.

Til Indonesia er det veldig langt å reise og nokre av oss vart litt bekymra om vi ikkje kom heimatt, slik vi kunne ligge i senga vår. Men vi lovde at det skulle vi og at vi skulle reise med fly! Vi «køyrde» til Vigra og der fekk vi flybillettane våra. På kvar flybillett stod det eit tal og ein bokstav, det var stolen vår på flyet. 

Når alle var komne om bord i flyet, funne plassen sin og festa setebeltet, ønskte flykapteinen velkomen om bord og den spanande reisa til Indonesia kunne starte.

Det er veldig langt å reise, men for å bli litt betre kjent med landet vi skulle til, såg vi på film frå Indonesia. Der er veldig mange øyer, regnskog der orangutangen bor, der er vulkanar og vi såg kor lavaen spruta. Og vi såg skite vatn, som dei vaska seg i og drakk. Det veit vi på Grøn, at då kan ein bli låk i magen!! Vi samanlikna det norske og indonesiske flagget, at det indonesiske har ei raud og ei kvit stripe.

Sidan det var så langt å reise var der flyvertinner som serverte mat og drikke. 

Det var ein veldig fin flytur, men so måtte vi reise heimatt til barnehagen, slik vi var der når vi vart henta. Men vi gler oss til å bli betre kjent med Indonesia og vere med på å hjelpe dei.

Fjøretur

Sist veke let tøffingane frå Grøn avdeling seg blåse med vinden ned til fjøra for å finne "kokkelurer" (strandsneglar), albueskjell og leite etter krabbar.

Vi tok opp mange, mange steinar.. Men vi fann ingen krabbar.

Då kasta vi heller småsteinar i sjøen for å følge med på korleis bølgene laga ringar..

Då floa satte inn kunne vil fylgje godt med på kor fort sjøen steig opp mot stranda.

Medan vi åt maten vår på terassen ved nausta var det spennande å høyre om at det er månen som styrer flo og fjøre.

Det brenn, det brenn!

 

Fredag var det siste dag etter to veker med fokus på brannvern. Mange flotte samlingstunder, aktiviteter, leik og øving har det blitt.

Sjølv om det har regna i det siste oppstod det brann både i jungelen og i Torill gata!

Bra at barna på Raud avdeling har lært seg å slukke brann, for dei har stått på denne veka for å slukke unna.

 

Flotte brannkostabler som har kosa seg på "jobb" :) 

På leiting etter "kamelen" eller var det ein lama??

 

Etter at ein av oss hadde høyrt rykte om at det finst kamelar på Vatne drog dei store barna på Grøn avdeling på tur for å finne dei. Vi gjekk forbi både hestane, hønene, hanen, kattar og sauer.

Bonden i traktoren tipsa oss om den rette vegen slik at vi endeleg kunne bli kjent med THOR.

THOR er ein alpakka, dvs ein lama som passar på sauene og jagar vekk reven. Vi mata han med brød før også vi fekk ete lunsjen vår nede ved naustet til bonden.

Brannvernveke med dei minste!

Torsdag 17.september i gryåtta starta dagen vår med Bjørnisprat rundt frukostbordet, etter det rulla ballen videre og brått var vi i gong med å lage brannbil! Lim, saks, pappkasse og farga papir blei til ein kjekk brannbil for store og små. 

Litt lim her og der på golvet vil gi vaskedama litt ekstra jobb idag, men bilen vil nok holde litt saman før den trenge reservedeler etterkvart som dei små hendene utforskar den. For ein fin start på temaet!

Når ein har brannbil, må ein også ha brannslokningsapparat! Tre små brannslokningsapparat blei derfor fylt med raud og gul maling, og barna fekk riste laus og snu det på haudet. Spennande å sjå korleis målinga rann og fargane fordelte seg!

Ein brannbil må også ha ein jobb å gjerne, så då tok vi på oss kunstnerhattane og hadde ei estetisk oppleving i møte med lamineringsark, "fingermåling" i fargane gul og raud (det blir foresten oransje fann vi ut) og brått hadde vi og flammar! 😉😎 

Hilsen oss kulegule💛