TRYGGHEIM BARNEHAGE VATNE: fargar

Viser innlegg med etiketten fargar. Vis alle innlegg

mandag 8. mars 2021

FARGEFEST 💙

Fredag 5.mars hadde vi fargefest på Blå.

På førehand hadde vi laga fargerik pynt til avdelinga.

Vi kledde oss i fine fargar og fekk matchande kroner som borna fekk pynte sjølv. 😊

Om formiddagen hadde vi ulike fargeaktivitetar med mellom anna maling. 😊

Før lunsj hadde vi fargesamling der vi song fargesongar, mellom anna «Se min kjole». Borna var veldig flinke til å peike på dei ulike fargane vi snakka om. 😊

Vi hadde litt fargerik fingermat i tillegg til pizza til lunsj.

På ettermiddagen gjekk vi ut i snøen, det var som eit

blankt lerret vi berre måtte male litt på 😊

Vi på BLÅ ynskjer deg ein fargerik dag vidare. 💙

fredag 8. januar 2021

Disko på Blå!

Vi på Blå avdeling syng og dansar kvar dag, vi elskar musikk!

Onsdag hadde vi minidisko, til glede for små og store.

Borna er fascinerte av lyser som snurrar rundt og rundt på golvet.

Blå avdeling held fram med å lære om kroppen. 😊 No i januar har vi ekstra fokus på sansane. Vi vil la borna sjå, høyre, lukte, smake og føle seg fram til nye erfaringar.

Borna kunne fortelje at det kom raudt, grønt og blått lys frå diskokula!

To av dei ivrigaste danserane i farta. 😊

Nokre prøvde å fange lyset, men då kom det oppå hendene – rart!

Godt nyttår frå Blå avdeling! 💙

VÅRT PEDAGOGISKE GRUNNSYN

Vårt pedagogiske grunnsyn er bygd på det kristne verdigrunnlaget og på Bibelen sitt syn på mennesket. Vi ynskjer at dei tilsette i barnehagen skal sjå på barna, foreldra, sine medarbeidarar og seg sjølv slik Gud ser menneske. Jesus sette barna høgt. Han var glad i dei og ville at dei skulle kome til ham, og han heldt dei fram som førebilete for disiplane. Jesus sitt forhold til barna er eit førebilete for dei tilsette i barnehagen.
Vi ynskjer at barna får oppleve at dei blir verdsett, inkludert, finn vener, får utvikle seg etter sine eigne føresetnadar, får livsglede og lærer å ta omsyn til kvarandre og fungere i større og mindre grupper.

Vi er opptekne av at det skal vere mykje humor og glede i kvardagen.
Barnet utforskar verda. Læring og utvikling skjer gjennom samspel mellom barn-barn og barn-vaksne frå fyrste stund.
Kvardagen til barna er dei vaksne sitt ansvar. Vi vil vere gode rollemodellar for borna ved å skape gode relasjonar. Ekte interesse, innleving i barnet og undring saman med barnet er viktig.

Vi er bevisste på barnet sine ressursar og moglegheiter. Barnet sjølv er aktør i si eiga utvikling.
Vi vil vere empatiske vaksne som anerkjenner barnet, slik at barnet vert sett, høyrt og tatt på alvor. Respekt og likeverd er viktige stikkord.
Barn treng engasjerte vaksne som rettleiarar, men dei har rett til eigne meiningar og innverknad på eigen kvardag. Det er viktig å vere interessert i det barnet er opptatt av her og no.
Vi vil at barna skal kjenne seg trygge i barnehagen. Tryggleik og trivsel er grunnlaget for all positiv utvikling. Vi vil sjå etter det beste i barnet.

Foreldre og barnehagepersonalet har eit felles ansvar for barnet sin trivsel og utvikling. Det er viktig at foreldra føler dei har medverknad, at dei ser meining i det som skjer i barnehagen og at dei får støtte. Barnehagen skal i samarbeid og forståing med heimen ivareta barna sitt behov for omsorg og leik, og fremje læring og danning som grunnlag for allsidig utvikling.

Tilrettelegging for leik er ei viktig oppgåve. Å leike er ikkje berre eit pedagogisk verkemiddel for å fremje utvikling hos barnet.

Å leike er eit mål i seg sjølv.
Leiken gjev barnet glede.
Leiken fremjar utviklinga til barnet på alle område: Intellektuelt, språkleg, fysisk, sosialt og emosjonelt. I leiken utviklar og styrkjer barnet identiteten og sjølvkjensla si.

NLM BARNEHAGENE AS

mandag 8. mars 2021

FARGEFEST 💙

fredag 8. januar 2021

Disko på Blå!

Totalt antall sidevisninger

Bloggarkiv

Følgere