Finfin fredag for Blå avdeling :)

Blå avdeling gjekk fredag 7.juni på tur bort til gamle bedehusbarnehagen, og det supre inngjerda leikeområdet med sandkasse, sklie, mange fine tre og eit ulendt terreng som er godt egna for god grovmotorisk trening. 

                    

Litt trening fekk dei også i trappa ned og opp i frå leikeområdet. Her var dei flinke å vente på tur, slik at alle fekk gå i sitt tempo og på sin måte. Nokre syntes nok trappa var litt skummel, men med god oppmuntring kom alle seg både ned og opp :) 

I sandkassa var det også leiker barna fekk bruke. 

Mange fekk også god fart i sklia, så det var jammen bra der stod ein trygg vaksen og tok imot. 

På leikeområdet nede i skogen fekk barna utforske området noko dei syntes var veldig spanande. Nokre av dei gjekk fram og tilbake, medan andre fant roa på ein stad etter litt utforsking. 

Vi hadde med andre ord ein spanande og innhaldsrik tur som vi var enige i at den måtte gjentakast seinare :) 

Snigel på Blå

Ingen barnemark, men snigel har vi på Blå!

God helg til store og små

Undretur med ei gruppe frå Raud avd

Borna har denne veka vore på tur i nærmiljøet og den lokale butikken. 

Borna er flinke til å samle flasker som blir liggende igjen i naturen. 

No var det tid for å pante  flaskene på butikken. 

På vegen møtte vi på ein flott lastebil som fenga interessa til borna. 

Og vi måtte berre stoppe å undersøke!

Det viste seg at lastebilen var stapp full av varer som skulle inn i butikken. 

Vi såg mellom anna pizza, blomster og masse cola som vart frakta inn i lageret til butikken. 

Borna var svært imponert over lastebilsjåføren som kom med lass på lass med varer! 

God underhaldning var det! 

Tenk at lastebilsjåførane køyre rundt i heile Noreg å fyller på varer i alle butikkane våre! 

Vi er jammen heldige!

Grevlingane på jakt etter småkryp

Onsdag gjekk Grevlingane på tur til skulen sin gapahuk. 

Målet vårt var å finne småkryp, men det var ikkje så enkelt. 

Kanskje det var på grunn av regnet? 

Vi fann masse nøtter og mose som vi tok med oss 

nedatt til barnehagen for vi skal lage eit naturbilde av det. 

Etter masse leiting i skogen var det på tide 

med mat. 

Marion og Eva hadde tatt med seg 

overraskelse, det var sjokomelk og kjeks. 

Det var kjempe godt. Medan vi åt maten vår høyrte 

vi regndråpene på taket. 

Etter mat, sjokomelk og kjeks tusla vi oss nedatt til 

barnehagen.

Raud gruppe 2 på tur i fjøra!

Vi skulle finne krabbe krølle, men med litt for høg flo, 

hadde han nok gjømt seg...

Vi fant mange strandsnegl, hjerteskjell og blåskjell.

 

Vi kasta stein i sjøen, det var spennande!

Hengegøy på Gul!

Gul avdeling blir meir og meir glade i å vere ute og nyte naturen og det den byr på no når det er lettare klede og småsko tilgjengeleg. Vi har lenge ønska oss ein langtur der vi kan søve på tur, så gleda var stor då Sigrid endelig fekk tak i hengekøyer til oss. Ein liten prøvetur til Gurinesen måtte til, så vi trossa regnet og kledde oss for søvetur under open himmel. 

I følgje rammeplanen skal barnehagen skal legge til rette for at borna kan få eit mangfald av naturopplevingar og få oppleve naturen som ein arena for leik og læring. Vi skal gi borna gode opplevingar med friluftsliv året rundt, så hengekøyene skal nok bli flittig brukt framover. 

                               

                               

Framme i Gurinesen var utfordringane store i ulendt terreng og støvlar på fleirtalet. Kjempe trening for motorikken, og det våte graset gav oss mykje undring. Små trasig å snuble, men vi har blitt så flinke til å prøve å kome oss opp igjen, sjølv med stønning og tunge tak. 

                              

Etter leik og mat var det tid for ein kvil, nokre i hengekøyer, og nokre på madrassar og i vognposar på golvet i grindløa. Her søv vi godt alle saman.  

Etter kvart som vi vakna gjekk vi tilbake til barnehagen, og siste pulje rakk akkurat fruktmåltidet klokka 1400. Slitne og fornøgde med tur leika vi oss i barnehagen resten av dagen.

Silje, Laila, Gro-Anita og Henriette takkar for ein kjekk tur med favorittane våre!  

PLANTING AV GULROTFRØ PÅ GRØN AVDELING MAI 2019

Vi hadde vaska mjølkekartongar, mold, vatn og gulrotfrø. Barna var spent og klar! 

Går det verkeleg an at det skal vekse gulrot i mjølkekartong, dette var spennande.                                                                                    

"Frøet låg i jorda svart, trengte lys og varme. 
Eg vil opp i dagen snart, strekke mine arme.
Sola høyrde frøets ord, sendte varme under jord. 
Spiren uti hagen, fikk sjå lyse dagen."

Tenk at det går an å vekse gulrot i ein mjølkekartong, vi filosoferte litt over det. No står dei i vinduet i barnehagen og vi må stadig sjekke om det har kome ein liten grøn spire. Dette blir spennnande!!

«Barnehagen skal legge til rette for at barna framleis skal vere nyskjerrige på naturvitenskaplege fenomen, føle tilhøyrsle til naturen og gjere erfaringar med å bruke teknologi og reiskapar.» (R.pl.)