SOLFEST

Denne veka har vi på Tryggheim barnehage, Vatne hatt fokus på sola. Her i barnehagen er sola vekke ei stund og den 12.januar kjem den tilbake til oss. Det feirar vi med solfest for alle avdelingane på barnehagen. Vi bakar solbollar og kosar oss med ulike aktivitetar. Vi har hatt ulike formingsaktivitetar tidlegare i veka og her er nokre av resultata:

Vi måla sola på vindauget og laga solstrålar av handavtrykka til barna.

 Nokre av borna laga soler til å henge i vindauga.

Førskulegruppa  måla, klipte og limte soler, med inspirasjon frå t.d. Munch.

Gjennom arbeidet med kunst, kultur og kreativitet skal barnehagen bidra til at barna:

 • lærer å lytte, observere og uttrykkje seg gjennom allsidige møte med og refleksjon over kultur, kunst og estetikk

• styrkjer den kulturelle identiteten sin og det personlege uttrykket

• tek i bruk fantasi, kreativ tenking og skaparglede

• utviklar evna til å bearbeide og kommunisere inntrykk og gi varierte uttrykk gjennom skapande verksemd 

I dag starta vi med å samle alle barna frå Maurtua og Bikuba og song Solsongen for Nøtteliten-barna.

Sola er god, Sola er toppen.

Sola er varm og den brunar på kroppen,

Sola som skinne kvar morgon for meg,

Sola i hjartet er best synest eg.

Vi brukte kroppen vår til å lage ei kjempe sol i bakken opp mot Solbakken.

Dei av barna som ville, måla bilete av sola.

Barna skal få utfolde skaperglede, undring og utforskertrang. Jamfør Rammeplanen for barnehagar/utdrag frå Barnehageloven § 1 Formål

Til slutt kosa vi oss med solbollar som vi baka om morgonen, og kakao. Nøtteliten fekk med seg solbollar ned igjen, så dei fekk kose seg med bollar inne. 

Jesus metta den svoltne folkemengda

I dag har Skogsmusene hatt Kristen samlingstund. Vi fekk høyre om Jesus som metta ei heil folkemengde med berre fem rundstykker og eit par småfiskar. Jesus fekk rundstykka og fiskane med ein gut som ville dele med folk som ikkje hadde mat. 

Når Jesus velsigna maten vart det nok til alle - og meir til!

Vi snakka mykje om å dele med kvarandre og vere gode med kvarandre.

Etterpå fekk vi fargelegge fiskar.

ISDAG I GURINESET

I dag 13.januar har Skogmusene og Blåharane kosa seg på isen i Gurineset! Det var spennande å skli og snurre rundt på isen. Vi studerte sprekkene som var i isen og undra oss over korleis det såg ut under isen. Nokre smakte på isen og prøvde å sjå gjennom eit isflak. Vi tente opp i bålpanna og grilla pølser. Det smakte utruleg godt! Til dessert serverte vi kakao. Godt med varm og god mat og drikke på tur.  Kjekt å gå på tur ilag, og knyte vennskap på tvers av gruppene. Ein spennande og kjekk vinterdag på isen!

 

 

Det er spennande å lage bål, og samle tørre kvistar som vi kan legge på bålet.

PINNEBRØD PÅ BÅL SAMAN MED LÆRLINGEN VÅR

Mandag 11.januar var Revane på tur til Gurineset. Silje Beathe som er lærlingen vår hadde laga deig til pinnebrøda våre og her er oppskrifta som held til ca 11 barn.

PINNEBRØD

3 dl vatn

1 ts salt

1,5 dl olje

3 ts bakepulver 

350 gr mel, eller til passe tjukk deig

Rull deigen mellom hendene, og tvinn den rundt ein grillpinne som på bilda under

GOD PAUSEMAT PÅ TUR!

    

EIN KAN GODT SURRE DEIGA RUNDT PØLSER 

ELLER STRØ KANEL OG SUKKER PÅ.    

LUKKE TIL  !

Skogsmusene lagar grønnsakssuppe!

I dag har skogsmusene laga heimelaga grønnsøkssuppe. Vi kutta opp poteter, gulrot, kålrot, stangselleri, pølser og kokte ei deilig suppe. 

Vi arbeider med vennskap og inkludering i gruppa og ser at ein felles aktivitet med felles mål styrkar samhald og gir mestringsfølelse for barna. Dei oppmuntrar kvarandre og hjelpe kvarandre, og dei er veldig glade i å få delta i matlaging.

ISLYKT

Vi fylte 3 ballongar med vatn som vi la ut i Solstua over natta…. 

Vi hadde lyst å eksperimentere med vatn, og sjå om vi klarte å lage ei islykt…

Skikkeleg spente sjekka vi ballongane dagen etter, men ingenting hadde skjedd… Vatnet var fortsatt i væskeform….

 

Veldig forsiktig, flytta vi ballongane frå Solstua og ut i jungelen for å sjå om vatnet ville fryse der…

HURRA…. Etter natt to hadde det skjedd ei forandring….

Jubelen stod i taket når barna oppdaga neste dag at noko hadde skjedd med vatnet. 

Det ytterste laget hadde fryst til is (fast form). 

Vi tok forsiktig vekk ballongen og tømte ut det resterande vatnet. 

Kva hadde vi fått då?? Jo ei form som vi kan setje eit lys nedi og spreie vinterstemning…

 

Den eine lykta vår gjekk i bakken med eit uhell… og knuste i mange biter… Ikkje så dumt det heller, for då fekk vi fine biter som vi kunne smake litt på… Fryst vatn / is er ikkje så verst altså :-)

Nam, nam....

GODT NYTT ÅR!

MED DESSE FLOTTE BILETA AV FYRVERKERI, 

SOM BORNA LAGA I DAG, 

YNSKJER VI DOKKE ALLE 

EIT RIKTIG GODT NYTT ÅR!