TRYGGHEIM BARNEHAGE VATNE

fredag 5. juni 2015

Hinderløype

Torsdag 4.juni var ein litt annleis dag i barnehagen.
Revane (Førskuleborna) var på skulen på Førskuledag.
Difor hadde vi god plass til å boltre oss på heile dagen.

Målet med aktiviteten er å stimulere motorikk og koordinasjon.

mandag 1. juni 2015

Trafikkveke i Barnehagen

TUR MED TRAFIKKBINGO:

Før vi starta turen fekk barna utdelt kvar

sitt bingoark med ulike skilt på. Barna blei delt inn i grupper, så skulle dei saman finne skilta som var på arket.

Øving på samarbeid J

Vi snakka om former, fargar, tal og kva skilta tyder.

Vi gikk opp på leikeplassen, der vi leika og laga tomatsuppe.

Når vi kom dit, var Biene der. Det var kjekt å leike i lag J

På besøk på leikeplassen

Det er 1.juni og vi er i gang med nytt tema:

"Naturen i nærmiljøet og kroppen vår."

I dag gjekk Biene på tur gjennom bygda og opp på leikeplassen.

På vegen såg vi blomster, sniglar og vi balanserte på fortauet.

Oppe på leikeplassen var det mange kjekke leiker.

Vi var også ei stund ilag med Revane som kom når vi var ferdig med maten.
Dei kokte suppe og vi fekk sjå på.

Kjekk leik med store og små barnehagebarn.

AVSLUTNINGSTUR SAMAN MED 1. OG 5. KLASSE

Det er alltid spennande å skulle vere saman med fadrane og 1. klasse. Torsdag gjekk Revane først opp til skulen og inn på 1. klasse-rommet der vi lærte «1. klasse-sangen». Etterpå skulle alle gå på tur til Gurineset. Vi gjekk på ei lang, lang rekke. I Gurineset skulle vi tenne bål og grille pølser. Det smakte kjempegodt. Det var kjekt å leike ilag. Vi klatra på storesteinen, i ein stor kvisthaug, nokre fann vannløparar, og andre rulla i graset. Det har vore koseleg å samarbeide med skulen!

fredag 29. mai 2015

Humletur

Humlene på tur.

Spennande å sjå kva som er i sekken.

Det smakte godt med mat.

Sjå den fine snegelen vi fant!

Det er fin utsikt frå den nye Gapahuken til skulen.

Vi gler oss til fleire turar fram når den er blitt ferdig.

torsdag 28. mai 2015

TESTING AV BRANNSLANGEN PÅ HARESTUA

I dag testa vi brannslangen vår.

Vi tok på støvlar, regnkle og gjorde oss klar.

Med brannslange og Zalo vart dette ein kjekk aktivitet.

Biene lærer om former

BIENE hadde i dag samling om temaet form.

Vi snakka om begrepa: TREKANT, FIRKANT OG RUNDING

Kva kan vi bygge tårn av?

Vi prøvde oss fram.

Etterpå fekk vi fargelegge dei ulike formene.

VÅRT PEDAGOGISKE GRUNNSYN

Vårt pedagogiske grunnsyn er bygd på det kristne verdigrunnlaget og på Bibelen sitt syn på mennesket. Vi ynskjer at dei tilsette i barnehagen skal sjå på barna, foreldra, sine medarbeidarar og seg sjølv slik Gud ser menneske. Jesus sette barna høgt. Han var glad i dei og ville at dei skulle kome til ham, og han heldt dei fram som førebilete for disiplane. Jesus sitt forhold til barna er eit førebilete for dei tilsette i barnehagen.
Vi ynskjer at barna får oppleve at dei blir verdsett, inkludert, finn vener, får utvikle seg etter sine eigne føresetnadar, får livsglede og lærer å ta omsyn til kvarandre og fungere i større og mindre grupper.

Vi er opptekne av at det skal vere mykje humor og glede i kvardagen.
Barnet utforskar verda. Læring og utvikling skjer gjennom samspel mellom barn-barn og barn-vaksne frå fyrste stund.
Kvardagen til barna er dei vaksne sitt ansvar. Vi vil vere gode rollemodellar for borna ved å skape gode relasjonar. Ekte interesse, innleving i barnet og undring saman med barnet er viktig.

Vi er bevisste på barnet sine ressursar og moglegheiter. Barnet sjølv er aktør i si eiga utvikling.
Vi vil vere empatiske vaksne som anerkjenner barnet, slik at barnet vert sett, høyrt og tatt på alvor. Respekt og likeverd er viktige stikkord.
Barn treng engasjerte vaksne som rettleiarar, men dei har rett til eigne meiningar og innverknad på eigen kvardag. Det er viktig å vere interessert i det barnet er opptatt av her og no.
Vi vil at barna skal kjenne seg trygge i barnehagen. Tryggleik og trivsel er grunnlaget for all positiv utvikling. Vi vil sjå etter det beste i barnet.

Foreldre og barnehagepersonalet har eit felles ansvar for barnet sin trivsel og utvikling. Det er viktig at foreldra føler dei har medverknad, at dei ser meining i det som skjer i barnehagen og at dei får støtte. Barnehagen skal i samarbeid og forståing med heimen ivareta barna sitt behov for omsorg og leik, og fremje læring og danning som grunnlag for allsidig utvikling.

Tilrettelegging for leik er ei viktig oppgåve. Å leike er ikkje berre eit pedagogisk verkemiddel for å fremje utvikling hos barnet.

Å leike er eit mål i seg sjølv.
Leiken gjev barnet glede.
Leiken fremjar utviklinga til barnet på alle område: Intellektuelt, språkleg, fysisk, sosialt og emosjonelt. I leiken utviklar og styrkjer barnet identiteten og sjølvkjensla si.

NLM BARNEHAGENE AS